Kaardiin filannoo ammaan dura dirqiin Uummata Oromoof kenname, Gandeen Onoota Konyaa Gujii Lixaa keessatti argaman garaagaraa keessaa, dabballoota Mootummaa Koloneeffataa Impaayera Itoophiyaan, dirqiin Uummata Oromoo harkaa guuramaa jiraachuu.

Shamarreen Oromoo – Barattuu Yuunvarsitii Riifti Vaalii, damee Magaalaa Naqamtee – Yuunvarsitii itti barattu duratti, Jimaata, Waxabajjii 11, 2021 konkolaataa Loltoota Mootummaa Koloneeffataa Impaayera Itoophiyaan rukutamuun ajjeefamuu.

Lola WBO, fi LMKII fi Loltoota Mootummaa Eertiraa gidduutti, Konyaa Baha Wallaggaa, Onoota kanneen akka Haroo Limmuu fi Eebantuu keessatti tibbana adeemsifameen, Loltoonni Mootummaa Eertiraa WBO'n booji'amuu.

Wallisaan Oromoo, Damisee Moosisaa, Dilbata Waxabajjii 6, 2021, Poolisoota Humna Addaa Oromiyaa (Tikoota Mootummaa Koloneeffataa Impaayera Itoophiyaan) Magaalaa Naqamtee keessaa butamuun achi-buteen isaa hin beekamin jiraachuu.

Qarreen Oromoo, Seenaa jedhamtu, Giddu-gala Oromiyaa Magaalaa Gincii keessatti, halkan edaa (Waxabajjii 5, 2021) Loltoota Mootummaa Koloneeffataa Impaayera Itoophiyaan manaa fuudhamtee, ajjeefamuun reeffi ishee bakkeetti gatamuu, sirni awwaalchaas akka hin raawwatamneef dhorkamuun, hanga galgala har'aattillee hin awwaalamin jiraachuu.

Daa'imni Oromoo ganna sagalii, Margaa Fiqiruu jedhamu, dhaanicha hamaa poolisoota MKII'n, Magaalaa Najjoo keessatti, torbee darbe irratti raawatameen miidhamee deggersa uummataan hospitaala seensifamee wal'aansi taasifamuufis bayyanachuu dadhabuun, Kibxata (Waxabajjii 1, 2021) lubbuun isaa darbuu.

Dargaggoonni Oromoo, Toomaas Fufaa fi Eermiyaas Garramuu jedhaman, Konyaa Horroo Guduruu Wallaggaa, Ona Jaartee, Ganda Dargee Kootichaa jedhamu keessatti, Wiixata kaleessaa (Caamsaa 31, 2021) Loltoota Mootummaa Koloneeffataa Impaayera Itoophiyaan mana jireenyaa warra isaaniitii fuudhamuun ajjeefamanii reeffi isaanii bakkeetti darbamuu.