Saamichi qabeenyaa qabata gargaarsa Loltoota Mootummaa Impaayerattiitiin, akkasumas, hidhaa fi dararaan qabata deggersa WBO fi daafii hafiinsa leenjii "Gaachana Sirnaa" jedhamuun, Baha Oromiyaa, Ona Dirree Xiyyaaraa keessatti, Uummata Oromoo irratti raawwatamu hammaatee jiraachuu.
Odeessa wal-fakkaatuun, hidhaa fi dararaan, akkasumas, saamichi qabeenyaa Hawaasa Oromoo biyyoota ollaa, kanneen akka: Jabuutii fi Affaar keessa jiraatan irratti, qabata tumsa WBO'tiin raawwatamu akkaan hammaachuu.
Uggurri tajaajila neetorkii bilbilaa fi intarneetaa guutuu Konyaa Walloo irratti taasifame akka itti-fufetti jiraachuu.
Daafii kanaan, haala Uummanni Oromoo Walloo keessa jiru ilaalchisuun odeessa qabatamaa bakkasii argachuun dadhabamullee, odeessa dhalattoota Walloo kanneen biyyoota ambaa keessa jiraatan irraa arganneen, dararaa fi ajjeechaan Uummata Oromoo irratti, loltoota Naannoo Amaaraa fi Affaariin raawwatamu daran jabaatee jiraachuu mirkaneeffachuun danda'amee jira.
