Addaan-citiinsa ibsaa fi neetorkiin Oromoon Walloo rakkoo hamaa mudachuu
Haleellaan humna xiyyaaraa fi humna lafoo meeshaalee waraanaa gurguddaa halaalaa furguggisuun, Oromoo Walloo irratti raawwatamu jabaatee itti-fufee jiraachuu. Addaan citiinsa ibsaa, bishaanii fi quunnamtii neetorkii daafii kanaan mudateenis, Uummanni Oromoo Walloo rakkoo hamaaf saaxilamee jiraachuu.
Eebba WBO - Cibraa 30-Booroo: J/Boorataa Abbaa Biyyaa waliin marii
Eebba WBO Zoonii Kibbaa, maqaa Marsaa Bilisummaa ykn Imala gara Finfinnee jedhuun, Roobii kaleessaa (Sadaasa 24, 2021) raawwatamee fi tarkaanfii WBO giddu-gala taasifachuun, marii Dubbi-himaa Cibraa Soddom-Booroo, Jaal Boorataa Abbaa Biyyaa waliin taasifame.
Sakattaa fi hidhaan Finfinnee keessatti akkaan hammaachuu
Sakattaa fi hidhaan hawaasa Oromoo Magaalaa Finfinnee keessa jiraatu irratti raawwaatamu akkaan hammaatee itti-fufee jiraachuu. Dabalataanis, jiraattonni Magaalaa Finfinnee naannoo ykn ganda isaanii [WBO irraa] akka tiksaniif jecha, keessattuu, bobbaa halkanii taasisuun gandarra naanna'aa [waardiyyaa dhaabbachaa] akka bulan dirqamsiifamaa jiraachuu.
Dhimma hooggansaa fi siyaasa Oromoo: Luba Dr. Bantii Ujuluu waliin marii
Dhimma siyaasaa, jaarmiyaa siyaasaa fi hooggansa siyaasaa Oromoo, dhimma egeree Oromiyaa fi Impaayera Itoophiyaa, akeekaa fi galma Qabsoo Bilisummaa Oromoo, akkasumas, dhimma sochii fi tarkaanfii WBO, fi haala yeroo Oromoo fi Oromiyaa waliigalaa irratti fuuleffachuun, marii Luba Dr. Bantii Ujuluu Teessoo waliin taasifame.
Gandi Naannoytuu xiyyaaraan haleelamaa ooluu: Walloo, Jiillee Dhummuuggaa
Konyaa Walloo, Ona Jiillee Dhummuuggaa keessatti kan argamtu, Gandi Naannoytuu, Kamisa Sadaasa 18, 2021 har’aa, meeshaalee waraanaa gurguddaa halaalaa furguggifamanii fi boombii xiyyaara irraa gadi roobsamuun barbadeeffamaa ooluu; qabatamaattis, Oromoonni baay'inaan 14 ol ta’an lubbuun darbuu.
Haleellaan hawaasa nagaa irratti xiyyaaraan raawwatamu itti-fufe: Walloo, Sambatee
Haleellaan humna xiyyaaraa fi meeshaalee waraanaa gurguddaan, Uummata Oromoo Walloo hidhanno-maleessa irratti fuuleffachuun, Loltoota MKIIn raawwatamu jabaatee itti-fufuu. Haleellaa xiyyaaraa halkan edaa (Sadaasa 15, 2021) Magaalaa Sambatee irratti raawwatamaa buleen lubbuu, qaamaa fi qabeenya hawaasa Oromoo Walloo irra gaaga’amnii fi mancaafamni cimaan dhaqqabuu.
Ajjeechaan Uummata Oromoo irratti raawwatamu akkaan hammaachuu
Dargaggoonni Oromoo jaha, Konyaa Baha Wallaggaa Ona Gobbuu Sayyoo keessatti Loltoota Mootummaa Koloneeffataa Impaayera Itoophiyaan ajjeefamuu. Dargaggoota ajjeefaman keessaa lama ganda Baafannoo jedhamu irraa qabamanii mana hidhaa Magaalaa Aannoo keessatti argamu keessatti hidhamuun dararamaa erga turanii booda Roobii Sadaasa 10, 2021 mana hidhaa keessaa baafamuun ajjeefamuun, reeffi isaanii bakkeetti kan gatame ta’uu.
Itti-fufiinsa haleellaa xiyyaaraa: Uummata Oromoo Walloo irratti
Haleellaan humna xiyyaaraa fi meeshaalee waraanaa gurguddaa halaalaa dhukaafamaniin Uummata Oromoo Walloo hidhannoo-maleessa irratti fuuleffachuun raawwatamu jabaatee itti-fufuu. Haleellaa Magaalaa Sambatee fi gandeen baadiyyaa naannawa san jiran irratti guyyaa ha’aa raawwatamaa oleenis, lubbuu fi qabeenya Uummata Oromoo Walloo irra gaaga’amnii fi mancaafamni jabaan dhaqqabuu.
Page 2 of 87
